Mbrëmjen e së shtunës, italianët por jo vetëm kanë parë një Shqipëri tjetër. Jo atë që kryeministri Edi Rama thotë se në kronikat e ERTV, apo postimet që bëjnë në rrjetet sociale ministrat dhe zyrtarët e qeverisë.
Në ekranin e Rai2 është transmetuar emisioni “Dossier”, i gazetarit Leonardo Zelino i cili ka qenë në Tiranë, në një nga ditët kur opozita protestonte. Reportazhi 47 minuta nis me një trafikant droge dhe armësh, Igli nga Shijaku. Ai rrëfen se mban pak drogë në shtëpi për ta provuar klientët dhe pjesën e tjetër e mban në një magazinë.
“E gjithë kjo drogë do vijë te ju në Itali”, i thotë Igli gazetarit italian.
Drejtori i Policisë së Shtetit, Ardi Veliu thotë se shifrat e 2018-ës janë më të mirat e 30 viteve të fundit, që citon raportet e Guardia di Finanza.
Për ish-kryeministrin Sali Berisha, shifrat që jep qeveria janë të pavërteta. Ai thotë se importi i drogës është rritur me 10 fish, ndërsa sipas tij nëse plantacionet në fusha të hapura janë pakësuar janë shtuar ato në sera pasi çdo javë tonelata të tëra shkojnë në Itali, ose në Turqi për tu shkëmbyer me heroinë.
Sa i përket protestave, përballë janë Lulzim Basha dhe Edi Rama.
“Tani ka prova të prokurorisë që blerjen e votave e bëri qeveria e Partisë Socialiste. Nuk mund të ketë stabilitet pa demokraci dhe shtet të së drejtës”, thotë Lulzim Basha.
“Rregullat në demokraci janë të qartë. Është sovrani, populli që është ligji, ka një mandat për ta respektuar dhe nuk mund të vihet në diskutim nga minorancë që ka të gjitha të drejtat të diskutojë se çfarë mendon, or nuk ka të drejtë të imponojë asgjë”, përgjigjet Edi Rama./Opinion.al
BURIMI: www.tg2.rai.it
