Kryetarja e Bashkisë Shkodër, Voltana Ademi ka reaguar menjëherë në lidhje me akuzën e ngritur nga kryeministri Edi Rama për lënie në harresë të Urës së Bunës.
Me anë të një shënimi në Facebook, Ademi shkruan se ura e fotografuar nga kryeministri Rama është pronë e Ministrisë së Mbrojtjes dhe Bashkia Shkodër ka kërkuar me shkresë mundësinë për të investuar në këtë urë dhe nuk është lejuar nga ministria.
Kryeministri i Shqipërisë, Edi Rama, sot, pa mbërritur ende në qytetin e Shkodrës ka nisur “ngacmimet” ndaj kryebashkiakes së këtij qyteti, Voltana Ademi.
Me sa duket, shkak për këtë është bërë shqetësimi që ka krijuar gjendja e Urës së Bunës. Përmes një postimi në rrjetin social Fecebook, kryeministri thekson se mjafton pak vëmendje nga kryetarja e Bashkisë dhe ura do ishte riparuar.
“Jam rrugës për Shkodër, kemi takim me votuesit për herë të parë. Shkodrën e kam dashuri të vjetër sa jeta e kujtimi i gjyshes sime dhe dhimbje, sepse s’po mundemi dot të bëjmë sa meriton. Kjo është Ura e Bunës dhe i lutem çdo shkodrani që e sheh, t’ia çojë këtë pamje të trishtueshme kryebashkiakes dhe t’i thotë se nuk duhen lekë, po mjaftojnë sytë e dashurisë për Shkodrën, për ta riparuar brenda muajit! Veç mos i thoni që ju thashë unë, se e shkreta Voltanë mendon se sa më shumë të rrënohet Shkodra, aq më shumë do t’i urrejë socialistët #VajmedetpërShkodrën”, shkruan Rama.
Mirëpo, sapo kryeministri vendosi të publikojë këtë shënim në lidhje me Urën e Bunës në faqen e tij zyrtare në Facebook, hap e mbyll sytë, kanë vërshuar komentet në adresë të tij.
“Z kryeminisëer se mos ngatërrohet shoferi e të drejton për në #LibofshaJonë ndonjëherë. Nuk vlen për ju unaza e myzeqes, mos ndoshta keni vendosur të na ktheni në moçal??!!”, shkruan komentuesi.
“Mbase nuk e ke vënë re që është ndërtuar e re rruga e Libofshës, dhe s’të vë faj se ka akoma shumë për të bërë! Respekte për Myzeqenë”, i përgjigjet Rama.
Këtu, vlen të kujtojmë se përplasja e sotme në distancë mes kryeministrit Edi Rama dhe kryetares së Bashkisë Shkodër, Voltana Ademi nuk është e para.
Replikat mes tyre tashmë mund të konsiderohen të shpeshta, rast tepër sinifikativ ka qenë edhe debati në inagurimin e stadiumit të Shkodrës, Loro Boriçi.
Atëherë, Rama, kritikoi punën e kryebashkiakes Ademi duke i kërkuar llogari për mos shembjen e ndërtimeve rreth stadiumit./Opinion.al
https://vid.me/slbh
