Kryeministri Edi Rama i është drejtuar mëngjesin e sotëm Kryesisë së Kuvendit. Rama është parë të hyjë në zyrën e Metës në orën 09:00.
Takimi mbahet në një klimë të acaruar kur Meta është shprehur pro një qeverie besimi, ndërsa Rama deklarohet i prerë se nuk ka qeveri teknike dhe as besimi.
Replikat në distancë nisën pas darkës së famshme të peshkut tek Pazari i ri të dielën në darkë. Në media u aludua se është arritur akordi për të qeverisur bashkë edhe për 4 vite të ardhshme. Por të hënën në mbrëmje, Ilir Meta qartësoi, duke deklaruar se është i gatshëm të bëjë koalicion me PS, por më parë duhet gjetur zgjidhja për të futur edhe opozitën në zgjedhje.
Ai propozoi një qeveri besimi. Nga ana tjetër, në reagimin e tij, Edi Rama, të martën në mesditë u shpreh se kjo qeveri do ta çojë vendin në zgjedhje. Sipas tij, nuk mund të shkelet Kushtetuta për tekat e opozitës./Opinion.al
