Eshtë përgjigjur ashpër drejtori i spitalit të Kavajës, Përparim Daiu ndaj një kritike publike të deputetit të PS, Parid Cara. Ky i fundit, përmes një statusi në facebook tha se kishte vënë në dijeni Ilir Beqajn për një drejtor pijanec dhe të papërgjegjshëm në Kavajë. Por nuk ka vonuar edhe përgjigja e ish-mikut të tij, Daiu. Ndërsa ministri Beqaj nuk ka ndërhyrë ende në këtë debati.
Statusi i plotë në facebook i drejtorit të spitalit Kavajë, Përparim Daiu
Më duhet të bëj një sqarim nisur nga denoncimi totalisht i pavertetë që bëri para pak orësh deputeti në emigrim Cara përsa i përket një ngjarjeje që ka ndodhur në spitalin që drejtoj.
Loris Maliqati, 13 vjeç është paraqitur ne urgjencën e spitalit Kavajë në orën 15:45 në gjendje kome pas aksidentit automobilistik.
Mjekët, pasi ndoqën me shqetësim gjendjen e tij e nisën drejt sptialit te Durrësit duke e shoqëruar me personel mjekësor, të pranishëm, zotin Mema dhe me oksigjen të nevojshëm.
Kjo procedurë mund të vërtetohet lehtësisht nëse shikoni regjjstrin 97-01 ku janë mbajtur të dhënat.
Pas mbërritjes në Durres nga mjekët atje u pa a nevojshme që fëmija të marrë trajtim të specializuar në kryeqytet ku është edhe në këto momente që flasim në gjendje kome.
Pres me ankth se si do shkojë gjendja e tij dhe uroj të jetë sa më shpejt mes familjarëve.
Më vjen shumë keq që jeta e një fëmije, bëhet kalë beteje nga një deputet qe flet per korrupsion, flet per zonen e tij qe ka 4 vite që nuk është prezent.
Ti z.Cara me ke propozuar personalisht mua në disa institucione, sot u kujtove ti qe je bo gati për të ndërruar parti?
Jam nje njeri i nderuar kam dhënë kontributin tim ne komunitet dhe familjarisht jam biri Xhavit Daiut, Nderi Kombit i shpallur nga Presidenti i Republikes dhe Qytetar Nderi ne Kavajë per kontributet e tij.
Ti biri kujt je qe flet per korrupsion thuaj babait tend te kthej leket njerëzve qe i ka marr per punësim dhe legalizim, nëse do të jap emra.
Në fund të fjalës sime do doja të të thoja ty kalama deputet, që jam gati të përballem që tani me cdo kontroll të mundshëm nga ministria, prokuroria etj.
Si një ish-mik, të sugjeroj të vish ta bësh politikën këtu ku të votuam, jo nga facebook-u se nuk zgjidhen hallet e qytetareve me statuset e tua dhe postimet e luksit nëpër stadiumet e Europës.
Foto me poshtë nga kohët kur deputeti hante ne një pjatë me ne, ndërsa sot e pështyu ushqimin.
Parid Cara për Ilir Beqajn: Drejtori i spitalit Kavajë, pijanec, i papërgjegjshëm
