Vijojnë replikat në distancë mes kryeministrit Rama dhe kreut të opozitës, Lulzim Basha.
Pasi kryeministri pranoi se data e skandecës së maskave për të cilat u akuza se ishin jashtë përdorimit kishte kaluar por kjo siç shtoi ai nuk ndikon në eficencën e tyre ka ardhur edhe kundërpërgjigjja e Bashës.
“Më në fund e pranoi të vërtetën. Maskat janë të skaduara. Si të tilla ato nuk mund të jenë masë mbrojtëse për personelin mjekësor. Edi Rama mblidh mendjen dhe siguro jetën e qytetarëve! Lëri lojërat e fjalëve dhe fokusohu tek problemi kryesor që kanë sot shqiptarët. Nuk jemi në luftë, jemi në situatë emergjence që kërkon seriozitet dhe përgjegjshmëri. Dhe jo shfaqje me maska të skaduara mbi fytyra të skaduara“, shkruan Basha në Twitter.
Nuk jemi në luftë, jemi në situatë emergjence që kërkon seriozitet dhe përgjegjshmëri. Dhe jo shfaqje me maska të skaduara mbi fytyra të skaduara.
— Lulzim Basha (@lulzimbasha_al) March 10, 2020
Më herët Rama e cilësoi djallëzore këmbënguljen e kreut të opozitës por nga ana tjetër pranoi se maskave të denoncuara nga PD i kishte kaluar data e skadencës. Megjithatë Rama tregoi certifikatën e kompanisë Kanadeze që kishte sjellë masat duke shtuar se ajo nuk ndikon në parametrat e tyre të sigurisë. Rama theksoi se këto maska nuk janë çuar në sallat e kirurgjisë por për përdorim të përgjithshëm në të gjithë sistemin. /Opinion.al
