Debati i sotëm në parlament ka kaluar nga rrahja dhe largimi i biznesmenit të huaj tek kanabisi. Teksa po fliste Sali Berisha, Taulant Balla nga vendi i tregon librin e Gërdecit, Berisha i drejtohet: Një përdhunues si ti nuk më impresionon mua.
Balla i tund në dorë librin “Armët dhe çunat”.(Fjalët nuk dëgjohen pasi është pa mikrofon).
Berisha: Rri ti, të ka në dorë o budalla. A tha një fjalë për nënën dhe foshnjen, kreu i meduzës nuk shqipëroi dot një fjalë. Shkoi gjer në Elbasan me Beqen i lidhur ashtu dhe kështu se s’po e prish gojën dhe u tha po u biem 6 ambulanca…
Berisha vijoi:
“Sot unë dua të jap alarmin, të shpreh shqetësimin tim më të madh për dramën në të cilën është zhytur Shqipëria. Sot siguria kombëtare është më e kërcënuar se kurrë, nga kohërat e luftërave gjer tani.
Shqipëria është shndërruar në Kolumbinë e dikurshme jo të sotme të Evropës. Arat e deputetëve dhe politikanëve e ministrave kanë mbuluar vendin nga Pogoni në Vermosh. Asgjë s’kërcënon më sigurinë e këtij vendi sesa kanabisi. Kambanat bien për të gjallët jo për të vdekurit, se u kalua nga mushkonjat e aeroporteve te aeroporte për trafiqe kriminale qoftë kanabis qoftë kokainë qoftë armë.
Dora e zezë e ISIS s’ka asnjë pengesë që të shtrihet. A e dini që po ndërtohen aeroporte të tjera apo jo? Ta them unë se ku janë, po po për turizëm, po ndërtohen aerodrome të tjera për trafiqe kriminale, çfarë shteti jemi ne eksportojmë vdekje për aleatët tanë.
