Reperi i njohur Diddy, emri i vërtetë i të cilit është Sean Combs është shprehur për ditët e fundit të ish të dashurës së tij Kim Porter, e cila ndërroi jetë në mënyrë të papritur.
Artisti është shfaqur së bashku me 6 fëmijët e tij në kopertinën e revistës “Essence” ku është shprehur rreth amanetit të fundit që Kim i la përpara se të ndërronte jetë për shkak të pneumonisë.
Ata kishin 3 fëmijë së bashku Christian 21-vjeçar dhe vajzat binjake 12-vjeçare Jesse dhe D’Lila.
Reperi theksoi se tashmë është një baba më i kujdesshëm për fëmijët e tij.
“Para kësaj, unë isha një baba me kohë të pjesshme, e dini? Familja ime gjithmonë ishte e para, por ka raste të panumërta kur zgjidhja punën mbi çdo gjë tjetër. Por çdo ditë unë dëgjoj teksa ajo të më thotë të shkoj dhe të kaloj ca kohë me fëmijët dhe të sigurohem që të gjithë janë mirë, ashtu siç do ta bënte ajo. Unë jam shumë më i pranishëm dhe më e rëndësishmja, tani fëmijët e mi vijnë para çdo gjëje tjetër në jetën time”.
Vetëm pak ditë përpara se të ndërronte jetë Kim i dërgoi fëmijët në shtëpinë e të atit që të mos sëmureshin. Ai u shpreh se natën kur e vizitoi ajo i kishte thënë: “Puffy, kujdesu për fëmijët e mi”,-duke i lënë kështu amanet për ta./Opinion.al/
