Kryetari i Partisë Demokratike, Lulzim Basha ka reaguar në lidhje me rezultatet e raportit të fundit të Freedom House ku Shqipëria kishte humbur një pikë në krahasim me vitin e shkuar.
Basha shkruan se problemet me demokracinë, korrupsionin, censurën në media dhe kriminalitetin janë reflektuar në rënien e indeksit të Freedom House.
“Sipas Freedom House, Shqipëria ka rënë poshtë në indeksin politik dhe të drejtave te njeriut. Shqiptarët sot jetojnë në një vend që ka probleme të mëdha me demokracinë dhe përfaqësimin e tyre, me korrupsion në nivelet më të larta, me censurë për mediat, me krimin që nuk ndëshkohet me institucionet e kapura nga një parti. Sa më gjatë qëndron kjo qeveri, aq më keq bëhet jeta për njerëzit. Shqiptarët kërkojnë ndryshim!”
me institucionet e kapura nga një parti. Sa më gjatë qëndron kjo qeveri, aq më keq bëhet jeta për njerëzit. Shqiptarët kërkojnë ndryshim! #ditemetemira
— Lulzim Basha (@lulzimbasha_al) March 4, 2020
Në raportin e publikuar, Shqipëria pësoi rënie në cilësinë e qeverisjes demokratike ndërsa në kategoritë e tjera nuk pati ndryshime. Megjithatë eksperti i Freedom House për Euroazinë tha se ata po ndjekin me shqetësim zhvillimet në vend ku ndër to veçoi ecurinë e paketës anti-shpifje dhe procedurën e shkarkimit të presidentit. /Opinion.al
LEXO EDHE – Raporti i Freedom House, shqetësimet më të mëdha për Shqipërinë
