Forcat RENEA kanë arrestuar Edison Begajn gjatë një operacioni në zonën e “Lungomares” në qytetin e Vlorës.
Operacioni i RENEA-s është zhvilluar në kudër të arrestimit të personave të shpallur në kërkim. Po ashtu, bëhet me dije se janë shoqëruar 10 persona nga policia.
Edison Begajt para disa ditësh iu bë një atentat para derës së banesës së tij, ku një person i maskuar si polici iu afrua dhe hapi zjarr ndaj tij. Nga ky antentat Begaj mori 4 plumba në gjymtyrët e poshtme të trupit, por mundi të shpëtojë.
Autori u largua nga vendi i ngjarjes dhe ende nuk është arrestuar. Ndërkohë disa ditë pas ngjarjes një makinë e dyshuar se u përdor nga autori u gjet në afërsi të Lushnjes, ku brenda saj ishte edhe një uniformë si ajo e policisë. Vlora kohët e fundit kanë ndodhur disa ngjarje kriminale që ende nuk janë zbardhur.
