Kronikë

RENEA arreston të dënuarin me 35 vite burg për vrasjen e kushëririt


Bëhu pjesë e Grupit Zyrtar të Opinion.al
>> KËTU <<
               Publikuar në : 11:00 - 12/12/19 |
Al Do

Një operacion i forcave speciale RENEA ka vënë në pranga mëngjesin e sotëm, 31-vjeçarin Endrik Lluka i shpallur në kërkim pasi akuzohet për vrasje dhe ishte dënuar me 35 vjet burg në mungesë.

Mëngjesin e sotëm, forcat RENEA rrethuan shtëpinë e tij në afërsi të Urës së Subashit në Gjirokastër dhe më pas bën edhe arrestimin e tij. Gjatë kontrollit të banesës janë gjetur një pushkë snajper dhe disa municione.

Enrik Lluka është dënuar si autor i një krimi të ndodhur në mars të vitit 2016 në aksin rrugor Gjirokastër-Tepelenë në afërsi të fshatit Shtëpëz, ku i vrarë mbeti Dorian Lluka, 29-vjeç dhe u plagos Birbil Lluka, 31 vjeç, të cilit ishin kushërinj të autorit.

Konflikti mes tyre kishte nisur në një lokal në Gjirkokastër. Dy vëllezërit kishin goditur fillimisht me grushte Enrik Llukën dhe më pas janë larguar me makinë por ky i fundit pasi ka marrë pistoletën shokut të tij Emiljano Vockës, i ka ndjekur dhe më pas ka qëlluar ndaj tyre duke lënë njërin të vdekur dhe tjetrin të plagosur rëndë.

Dyshohet se konflikti mes tyre ka ndodhur për motive pronësie dhe një borxhi prej 500 mijë lekësh. Mësohet se viktima dhe i vëllai janë nipa të gruas së ish-kryetarit të komunës Lazarat Dasho Aliko, ndërsa autori është djali i një punonjësi policie.

Njoftimi i policisë:

Finalizohet me sukses operacioni policor i koduar “Subashi”. Operacion nga forcat “Renea” dhe D.V.P. Gjirokastër, për kapjen e personave me rrezikshmëri të lartë shoqërore në fushën e krimeve ndaj personit. Kapet dhe ndalohet një shtetas i dënuar me 35 vjet burgim për veprat penale “Vrasja në rrethana të tjera cilësuese” dhe “Armëmbajtja pa leje”. Në pranga edhe babi i tij për veprën penale “Armëmbajtja pa leje”. Sekuestrohet një snajper, një pistoletë, dylbi dhe municion luftarak.

Në vijim të punës për kapjen e personave me rrezikshmëri të lartë shoqërore të shpallur në kërkim për vrasje dhe armëmbajtje pa leje, strukturat e D.V.P. Gjirokastër, në bashkëpunim me forcat speciale “Renea” kanë organizuar dhe finalizuar me sukses operacionin policor “Subashi”, si rezultat i të cilit në fshatin Shtëpëz, Gjirokastër, u bë e mundur kapja dhe ndalimi i personit të shpallur në kërkim për vrasje, konkretisht:

Endrik Lluka,31 vjeç, banues në fshatin Shtëpëz, Gjirokastër.
Ky shtetas ishte person i shpallur në kërkim, pasi gjykata e ka dënuar me 35 vjet burg për veprat “Vrasja në rrethana të tjera cilësuese” dhe “Armëmbajtja pa leje”. Në datën 22.03.2016, ky shtetas ka vrarë me armë zjarri shtetasin D. Ll. dhe ka plagosur shtetasin B. Ll.

Gjatë operacionit, forcat “Renea” kanë ushtruar kontroll në banesën e shtetasit Bexhet Lluka, 57 vjeç ( i ati i Endrikut). Gjatë kontrollit, Policia gjeti dhe sekuestroi në cilësinë e provës materiale 1 armë zjarri pistoletë, 1 armë zjarri snajper, dylbi dhe fishekë luftarakë.

Në përfundim të veprimeve të para u bë arrestimi në flagrancë edhe i shtetasit Bexhet Lluka, për veprën penale “Armëmbajtja pa leje”. Materialet në ngarkim të këtyre shtetasve i kaluan Prokurorisë pranë Gjykatës së Shkallës së Parë Gjirokastër për hetime të mëtejshme. /Opinion.al

Pas