Dy persona të një familjeje të infektuar nga koronavirusi në Fier janë transportuar me urgjencë drejt spitalit infektiv të Tiranës.
Mësohet se babë e bijë nga fshati Dërmenas i Fierit kanë shfaqur komplikacione me shendetin. Ata ishin konfirmuar të prekur nga virusi por ishin karantinuar në shtëpinë e tyre.
Në familjen e tyre është prekur edhe gruaja e cila nuk ka shfaqur simptoma të rënduara dhe për këtë arsye do të vijojë të qëndrojë në shtëpi.
Pranë spitalit te Fierit kanë mberritur edhe ekipet e ISHP për të marrë tamponet për 17 mjekë, infermierë dhe sanitarë të ketij spitali të cilët ishin vetekarantinuar prej disa ditesh, pas kontaktit që kanë pasur me një 61-vjecare, e cila kishte fshehur faktin që kishte qenë në Itali, ku dyshohet se mund të jetë infektuar.
Për të menaxhuar rastret spitali i Fierit u bëri thirrje të gjithe qytetarëve që paraqiten në urgjencë, pediatri dhe maternitet të kenë me vete kartat e identitetit kur paraqiten në keto mjedise dhe të deklarojnë itinerarin nëse kanë pasur lëvizje jashtë vendit. / Opinion.al
