Mbretëria e Bashkuar ka shënuar një rritje të konsiderueshme të rasteve të reja me COVID-19 dhe viktimave në 24 orët e fundit.
Sipas deparatamentit të Shëndetit Publik, 619 persona kanë ndërruar jetë nga koronavirusi gjatë ditës së fundit ndërsa 5903 janë testuar pozitivë.
Gjithsej 195.524 persona janë testuar për Covid prej shpërthimit të pandemisë dhe 47.806 prej të cilëve janë testuar pozitivë, sipas Departamentit të Shëndetësisë.
4,932 persona kanë ndërruar jetë dhe vetëm 135 janë shëruar deri tani.
Kryeministri i Britanisë, Boris Xhonson rezultoi pozitiv me COVID-19 disa ditë më parë dhe qëndron në izolim pasi ende ka simptoma të lehta.
Ministri i Shëndetësisë, Mat Hankok ka rezultuar gjithashtu pozitiv dhe ka deklaruar se deri në fund të prillit, vendi synon të testojë 100 mijë persona në ditë. /Opinion.al
