Italia ka shënuar në 24 orët e fundit 481 raste të reja të infektimeve nga koronavirusi, duke shënuar një rritje të ndjeshme krahasuar me një ditë më parë, kur shifrat shënuan 412 raste.
Me bilancin e sotëm numri total i rasteve shkon në 251.713, ndërkohë rritje ka pësuar dhe numri i viktimave. Dhjetë pacientë kanë ndërruar jetë, ndërsa një ditë më parë Italia, regjistronte gjashtë viktima.
Shqetësues mbetet fakti se po krijohet një trend rritjeje e qëndrueshme.
Rajonet më të prekura rezultojnë Lombardia dhe Veneto, dhe Piemonte. Ndërkohë autoritetet italiane po marrin masa për turistët që vijnë ose kthehen në Itali. Në Pulia bëhet me detyrim karantina për personat që kthehen nga Spanja, Greqia dhe Malta, përtej vendeve për të cilët parashikohej edhe më parë, ndër to edhe Shqipëria./Opinion.al
