Renato Mekolli aktualisht është padyshim një nga personazhet më të komentuar në rrjete sociale e media.
Kjo për shkak të programit ku ai është shef kuzhine “Hell’s Kitchen”. Këtë herë shef Renao Mekolli ka qenë i ftuar në BE Coffee në rubrikën “Për çaj”. Aty ndau disa kuriozitete nga jeta e tij, me Besin, Erionin dhe Olsin.
Ndër të tjera Mekolli ka treguar një ndodhi aspak të këndshme që ka përjetuar. I ndodhur në një bankë në Greqi, ai është përballur me hajdutët e maskuar të cilët nën kërcënimin e armës vodhën kasafortën. E para gjë, që i erdhi ndërmend ishte të fshihte lekët, në një vend jo të zakonshëm.
“Është vërtetë dhe është shumë e frikshme, mos ju ndodhtë. Kam qenë në bankë dhe u futën dy veta të maskuar dhe të gjithë ne që prisnim u frikësuam dhe zbritëm poshtë karriges. Njëri nxori pistoletën dhe pasi u ula poshtë gjëja e parë që më erdhi ishte të fusja lekët në brekë”,-u shpreh Renato, cili më pas kaloi në situata me mjaft humor së bashku me djemtë e B.E Coffee.
