Portugezi Renato Sanches është shpallur fituesi i çmimit “Golden Boy” për vitin 2016. 19 vjeçari ka lënë pas në renditje Marcus Rashford dhe Kingsley Coman, dy kandidatët e tjerë që plotësojnë treshen e podiumit.
Ylli i Bayern Munich triumfoi në edicionin e 14-të të këtij konkursi që jepet nga gazeta italiane “Tuttosport”, që ka në qëllim zgjedhjen e talentin më të mirë nga radhët e U21. Ceremonia e ndarjes së çmimit do të zhvillohet sot në mbrëmje në Monte Karlo.
Vetë Sanches ka thënë: “Jam shumë i lumtur, ky çmim ka famë botërore. Por jam me këmbë në tokë, kam ende shumë për të mësuar, mbi të gjitha nga shokët e mi të skuadrës si Vidal, Xabi, Tiago dhe Kimich. “Golden Boy 2016” ia dedikoj familjes time. Bayern është ekipi më i fortë në botë dhe do të fitojë Ligën e Kampioneve”, rrëfeu 19-vjeçari. Talenti i Manchester United, Marcus Rashford dhe shoku i skuadrës së Sanches-it te Bayern, Kingsley Coman, kompletojnë podiumin.
