Lojtari i kombëtares shqiptare, Elseid Hysaj, është renditur në krye të listës së lojtarëve që kanë luajtur ne Serie A dhe nuk kanë shënuar asnjë gol.
Lista është bërë nga “Del Delinquents” dhe Hysaj qëndron me një diferencë të madhe nga vendi i dytë. Mbrojtësi shqiptar ka luajtur deri tani 183 ndeshje në elitën e futbollit italian dhe ende nuk e ka provuar shijen e golit.
Në vendin e dytë renditet Nicola Murru, i cili është aktivizuar në 147 ndeshje dhe nuk ka shënuar asnjëherë.
Hysaj me Kombëtaren shqiptare ka arritur të shënojë një gol, atë ndaj Islandës, vitin e kaluar në “Elbasan Arena”./ Opinion.al
