Aktualitet

Rekord viktimash me COVID-19 në Shqipëri, reagon Manastirliu


Bëhu pjesë e Grupit Zyrtar të Opinion.al
>> KËTU <<
               Publikuar në : 19:23 - 23/11/20 |
Opi Nion

Ditën  e sotme vendi ka regjistruar 17 viktima nga koronavirusi, numri më i lartë në këto 9 muaj pandemi. Po ashtu, sot u konfirmuan nga autoritetet shëndetësore dhe 795 raste të reja nga 2.352 testime të kryera.

Kjo gjë ka sjellë reagimin e ministres së Shëndetësisë, Ogerta Manastirliu, e cila iu bën apel qytetarëve që të respektojnë masat anti-COVID. Ministrja thekson se përhapja e virusit nuk parandalohet në spitale, atë e ka në dorë çdo qytetarë që zbaton protokollin e sigurisë.

Reagimi

Sot në Shqipëri u shënua numri më i lartë ditor i viktimave nga Covid-19. Një fakt që reflekton shtimin e numrit të të infektuarve gjatë javëve të fundit.

Sot më shumë se kurrë, gjithësecili prej nesh duhet të marrë përgjegjësinë, për të parandaluar përhapjen e infeksionit.

Armët që ka sot e gjithë bota janë zbatimi i tre rregullave:

#MASKA

#DISTANCA

#HIGJIENA

A po i zbatojmë ato, për të mbrojtur veten, për të mbrojtur njerëzit e dashur dhe për të treguar solidaritetin me autoritetet shëndetësore, në këtë luftë të paprecedentë për jetën?

Pyeteni veten ju lutem, çdo herë që dilni nga shtëpia: A jam duke i përdorur këto armë?

Shkujdesja, shpërfillja dhe mohimi janë aleatët më të mirë të Covid-19.

Sot është dita kur duhet të peshojmë mirë çdo veprim tonin, për të mos i hapur rrugë virusit të rrezikshëm, për të mos e lejuar të na dëmtojë njerëzit e dashur.

Ne do të vazhdojmë të bëjmë maksimumin që mundemi, duke mos kursyer asgjë nga kapacitetet tona, të cilat siç e dini, nuk janë të pafundme.

Por siç e kam përsëritur me dhjetëra herë: Përhapja e virusit nuk parandalohet në spitale. Atë e ka në dorë gjithësecili prej jush.

Pas