Autoritetet e Shëndetësisë në Francë kanë regjistruar 5,429 raste të reja me koronavirus gjatë 24 orëve të fundit, një rekord i ri pas heqjes së masave izoluese dhe një nivel infektimi që nuk është parë që nga kulmi i epidemisë në fillim të Prillit.
Shifra ditore e rasteve të reja ka arritur në 4,000 disa herë në ditët e fundit, teksa pritet kthimi në shkollë i miliona nxënësve prej 1 shtatorit.
Numri i përgjithshëm i personave të infektuar nga Covid-19 në Francë tani është 253.587.
Të hënën, autoritetet shëndetësore gjermane etiketuan rajonin Île-de-France duke përfshirë kryeqytetin Paris dhe rajonin Provence-Alpes-C dte d’Azur si “zonat e rrezikut” për koronavirusin.
Kushdo që udhëton në Gjermani nga të dy rajonet duhet të paraqitet për tu testuar për Covid-19 dhe të karantinojë veten e tij, ndërsa pret rezultatin. /Opinion.al
