Organizata Botërore e Shëndetësisë ka raportuar për të tretën ditë rresht një rekord ditor rastesh të reja të infektuara me COVID-19 në gjithë botën.
AFP raporton se shifrat e OBSH-së për të shtunën treguan se u konfirmuan 465,319 raste të reja, duke kaluar rekordin e 449,720 rasteve të regjistruara të premten dhe 437,247 të regjistruar të enjten.
OBSH-ja ka paralajmëruar se disa vende janë në një “rrugë të rrezikshme” dhe shumë prej tyre dëshmojnë një rritje eksponenciale të rasteve.
Sipas shifrave të OBSH-së, ka pasur më shumë se 42.3 milionë raste të konfirmuara të COVID-19, ndërsa gati 1.15 milion njerëz kanë humbur jetën, duke përfshirë 6,570 të shtunën.
Gati gjysma e rasteve të reja të së shtunës u regjistruan në Evropë, e cila shënoi një rekord ditor të lartë prej 221,898 rastesh të reja.
Në total, më shumë se 9 milionë raste janë regjistruar tani në Evropë.
“Ne jemi në një moment kritik në këtë pandemi, veçanërisht në hemisferën veriore,” tha të premten drejtori i përgjithshëm i OBSH Tedros Adhanom Ghebreyesus. “Muajt e ardhshëm do të jenë shumë të vështirë dhe disa vende janë në një rrugë të rrezikshme.”. /Opinion.al
