Autoritetet greke kanë raportuar një rekord të ri negativ, sa i përket numrit të personave të intubuar për shkak të koronavirusit.
Sipas të dhënave zyrtare, të dielën janë 540 persona të intubuar, ndërkohë që në të gjithë vendin u shënuan 1498 raste të reja, 22 prej të cilave u identifikuan në kontrollet e pikave kufitare.
Në 24 orët e fundit 103 persona humbën jetën duke e çuar numrin total të viktimave në 1.498 persona.
Greqia ka nisur ndërkohë të transferojë 200 pacientët e parë në spitalet private të cilat u detyruan të pranojnë këta pacientë.
Ndërkohë në parkimin e Spitalit Ushtarak të Selanikut është ngritur një spital i hapur me konteinerë që shërbejnë si zyra apo dhoma ekzaminimi./Opinion.al
