Kosova ka regjistruar sot rekord të numrit të personave të infektuar me COVID-19. Instituti Kombëtar i Shëndetësisë Publike bën me dije se në 24 orët e fundit janë shënuar 963 raste të reja me koronavirus.
Ky rezultat ka dalë nga testimi i 2.056 tamponëve.
Ndërkohë, betejën me Covid-19 e kanë humbur 13 persona.
Numri total i rasteve pozitive, prej fillimit të pandemisë, ka shkuar në 27.851, ndërsa kanë humbur jetën si pasojë e koronavirusit 798 pacientë.
Po në 24 orët e fundit, janë shëruar 177 pacientë, kurse numri i përgjithshëm i të shëruarve deri më sot është gjithsej 16.862 raste.
Numri i rasteve aktive në Kosovë është 10.191. /Opinion.al
