Numri i përgjithshëm i rasteve me koronavirus në botë ka arritur në 10 milionë të dielën, që shënon një përhapje mjaft të madhe të kësaj sëmundjeje, që ka lënë të vdekur gati gjysmë million persona në shtatë muaj.
Ky numër është sa dyfishi i virusit sezonal që shënohet çdo vit, sipas Organizatës Botërore të Shëndetësisë.
Rritja e numrit të rasteve vjen pas lirimit të masave të kufizimit nga shumë shtete të prekura, për të mundësuar kthimin në punë dhe lëvizjen e lirë.
Amerika Veriore, Latine, dhe Evropa, përbëjnë 25% të rasteve, derisa Azia dhe Lindja e Mesme shënojnë 11% të rasteve, raporton Reuters.
Rastet e para të koronavirusit u shfaqën në Vuhan të Kinës, ku më pas ky virus u përhap shumë shpejtë në Evropë, SHBA dhe Rusi.
India dhe Brazili janë shtetet ku virusi po përhapet më shpejtë, me nga 10,000 raste në ditë.
Shtetet e Bashkuara që kishin raportuar numrin më të madh të rasteve në botë me koronavirus, kanë arritur të ulin shifrat në muajin maj, por në javët e fundit është shënuar rritje e rasteve në zonat që më parë nuk ishin të prekura./ Opinion.al
