Sifda për Shqipërinë përmes një deklarate ka dënuar ligjin imponues që u kërkon mediave të transmetojnë reklamat e partive politike falas. Gjithsesi ky grupim politik hprehet se nuk duhet të ketë habi për prishjen e kësaj martese pazaresh.
“Bashkëpunimi i ngushtë midis politikës dhe mediave është ndërprerë sepse nuk ka qenë i sinqertë apo në interes të qytetarëve. Ishte një martesë me interes dhe shpesh në kurriz të qytetarëve,” u tha në deklaratë.
SFIDA beson se media nuk duhet t’i përgjigjet pozitivisht marrëveshjeve me politikën por të ruajë pavarësinë e saj në shërbim të qytetarëve.
“Vizioni ynë është mbizotërimi i gazetarisë së mirëfilltë. Në vend që gazetaria të ndikohet nga marrëveshjet me politikën, duhet të jetë politika që të ndikohet nga zbulimet dhe puna e gazetarisë, si në të gjitha vendet perëndimore,” tha gjatë deklaratës përfaqësuesja e partisë Sfidës, Blerina Turdiu.
Në zgjedhjet e 25 qershorit, përkrah Gjergj Bojaxhi, që kryesin listën e Tiranës, te SFIDA për Shqipërinë kandidojnë emra të tjerë publikë e akademikë si Dr, Medlir Mema, Dr Ermal Hasimja, etj. Drejtues administrativ është Dr, Hektor Ruci.
