Trajneri Edoardo Reja nuk do të largohet nga drejtimi i Kombëtares.Lajmi është bërë i ditur nga Federata Shqiptare e Futbollit.
Me anë të një njoftimi zyrtar, Federata Shqiptare e Futbollit lajmëroi se nuk ka asnjë plan në lidhje me largimin e tij nga drejtimi i kuqezinjve. Sipas tyre lajmi për një marrëveshje me Luigi Di Biaggion për drejtimin e Shqipërisë janë totalisht të pavërteta dhe një spekulim i pabazë.
Nga ana tjetër, Federata Shqiptare e Futbollit shton se fokusi i tyre është shorti i Kampionatit Europian 2024, i cili do të hidhet në datë 9 tetor në Frankfurt.
“Federata Shqiptare e Futbollit dëshiron të informojë dhe sqarojë të gjithë opinionin publik e mediat se zërat që kanë qarkulluar orët e fundit në lidhje me një marrëveshje të mundshme me Luigi Di Biaggion për drejtimin e Shqipërisë janë totalisht të pavërteta dhe një spekulim i pabazë.
Kombëtarja shqiptare e futbollit ka në drejtimin e saj trajnerin Edoardo Reja, i cili është ende nën kontratë e vazhdon punën e tij.
Federata Shqiptare e Futbollit bën me dije se fokusi ynë është te shorti i Kampionatit Europian 2024, i cili do të hidhet në datë 9 tetor në Frankfurt”, thuhet në njoftimin zyrtar.
Zërat për largimin e tij nga drejtimi i Kombëtares erdhën pas barazimit në minutat shtesë në ndeshjen me Islandën, që u zhvillua më 27 shtator në stadiumin “Air Albania”./Opinion.al
