Shqipëria do të drejtohet nga Ervin Bulku mbrëmjen e sotme në transfertën e Andorrës, por me shumë mundësi ditën e nesërme do të mësojë edhe emrin e trajnerit të ri.
Pas shkarkimit të Panuccit, u fol shumë se zëvendësuesi i tij do të ishte trajneri italian me përvojë Edy Reja, për të cilin tashmë mediat italiane kanë zbuluar të tjera detaje.
“Kam folur me Federatën Shqiptare të Futbollit dhe kam marrë 24 orë kohë për të vendosur. Do të varet shumë nga rezultati i kombëtares me Andorrën dhe nëse do të pranoj këtë detyrë, këtë do ta mësoni të martën”.
Trajneri, që ka një karrierë 40-vjeçare në pankinë, dha mendimin e tij edhe për disiplinën e kërkuar me forcë nga trajneri i shkarkuar Cristian Panucci: “Vonesa e Strakoshës është diçka që mund të qëndrojë. Pashë që për këtë, ai mori një ndëshkim të ekzagjeruar”./Opinion.al
