Regjistrimi për klasat e para mund të bëhet online në portalin e-Albania, duke shmangur kështu radhët në dyert e institucioneve arsimore. Lajmin e ka bërë të ditur vetë kryeministri Edi Rama nëpërmjet një njoftimi në rrjetet sociale.
Çdo prind ka mundësinë që nëpërmjet këtij portali të kryejë regjistrimin e fëmijës në klasë të parë, mjafton të identifikohet në portal dhe të plotësojnë formularin e aplikimit.
Më tej bëhet me dije se aplikimi mbërrin në Institucionin Arsimor përkatës ku nxënësi dëshiron të regjistrohet dhe institucioni arsimor fillon procedurën për trajtimin e kërkesës. Në qoftë se çdo gjë është në rregull, shkolla regjistron aplikantin dhe njofton elektronikisht aplikuesin në rast pranimi ose mospranimi të regjistrimit.
Në rast pranimi të aplikimit personi që ushtron përgjegjësinë prindërore dorëzon në sekretarinë e shkollës fizikisht Kartelën e Vaksinimit të fëmijës, jo më vonë se 10 ditë para fillimit të vitit shkollor. Vetëm në momentin e dorëzimit të Kartelës së Vaksinimit regjistrimi i fëmijës quhet i përfunduar. Prindërit kanë dy javë kohë që të bëjnë regjistrimin e fëmijëve të tyre.
Kjo është një tjetër nismë e qeverisë për të lehtësuar rradhët e gjata dhe mundin e prindërve nëpër zyrat e institucioneve. Teksa kujtojmë se gjatë fushatës, vetë kryeministri Edi Rama është shprehur se mandate i tretë do të jetë më i përkushtuar kundrejtë teknologjisë dhe botës virtual./Opinion.al
