Kryekomisioneri për çështjet zgjedhore Ilirjan Celibashi , i ftuar në emisionin “Opinion” ka shpjeguar procedurën mbi të cilën funksionon reegjistrimi i partive politike për zgjedhjet e 14 Majit dhe specifikisht rasti i Partisë Demokratike. Ai tha se përpara KQZ-së të drejtën për t’u regjistruar si subjekt zgjedhor e ka zoti Lulzim Basha.
Pjesë nga biseda në studio
Celibashi: Në fakt ka vetëm një parti demokratike, e cila është e regjistruar, ka një person juridik që mban emrin PD. Diskutimi është mbi atë se kush e drejton partinë dhe kush e ka tagrin për të bërë kërkesa në emër të PD.
Përpara KQZ-së të drejtën për t’u regjistruar si subjekt zgjedhor e ka zoti Lulzim Basha.
Fevziu: Në 21 Mars zoti Basha ka deklaruar që jap dporëheqjen. Ai nuk është me kryetar dhe nuk do të jetë kryetar, ju doni ta mbani me zor.
Celibashi: Se kush është kryetar i një partie bazohet në dokumenta dhe dokumenti lëshohet nga zyra e subjekteve dhe partive politike në gjyskatën e Tiranës.
Fevziu: Ju nuk i merrni të mirëqena faktet e deklaruara botërisht?
Celibashi: Merren sa kohë mungon aspekti dokumentar, në momentin kur ke faktin dokumentar nuk ke asnjë arsye që vlerësimin për faktin ta bësh mbi të dhënat publike. Pala e interesuar ka paraqitur dokumentin në KQZ dhe ka një autorizim nga zoti Basha, paraqitur nga Indrit Sefa për zotin Alibeaj dhe zotin Bardhi për të kryer veprimet për regjistrimin e subjektit zgjedhor./Opinion.al
