Një regjistrim i vitit 2015 mes aktorit Johnny Depp dhe ish-bashkëshortes së tij Amber Heard mund të të vërtetojë që në fakt i dhunuari ka qenë ai dhe jo Heard.
Sipas avokatëve të aktorit në audio dëgjohen Depp dhe Heard teksa debatojnë dhe më pas zënka mes tyre kalon në fizike.
Sipas transkriptit, Heard pranon, se nisi një sherr fizik dhe më Depp thotë se ajo i qëlloi me grusht.
“Zemër, nuk të gjuajta me grusht… Nuk e di ku i kisha duart ekzaktësisht, por je shumë mirë. Nuk të lëndova, nuk të gjuajta me grusht, thjesht të rashë,” -shprehet aktorja.
Në vijim të regjistrimit aktori thotë se nëse ajo do të vijojë të ushtrojë dhunë ndaj tij do të ndahen.
“Nuk dua të të lë. Nuk dua të divorcohem, nuk të dua jashtë jetës sime. Dua paqe. Nëse bëhesh e dhunshme sërish, duhet të ndahemi,”– thotë Depp.
Ndërsa aktorja Amber Heard i përgjigjet se nuk e premton dot pasi nuk mund të jetë perfekte.
“S’të premtoj dot që s’do zihemi më fizikisht. Ndonjëherë bëhem kaq me nerva sa e humbas. Të premtoj që do bëj gjithçka për të ndryshuar.”
Një vit pas këtij regjistrimi çifti u nda. Në mars të vitit 2019 aktori i njohur hollivudian paditi ish-bashkëshorten për shpifje për plot 50 milionë dollarë, pasi sipas tij akuzat se ai kishte ushtruar dhunë ndaj saj ishin të pavërteta.
Akuzat i shkaktuan aktorit probleme me karrierën si dhe humbjen e shumë parave. Këto akuza u bënë publike në vitin 2016 kur aktorja kërkoi urdhër mbrojtje nga Depp pas divorcit si pasojë e dhunës./Opinion.al/
