Një familje është shuar nga Covid-19 në Cardiff, vetëm pak ditë pasi kishin refuzuar të marrin vaksinën.
Një nga djemtë e familjes të mbetur gjallë ka rrëfyer se nëna, babai dhe vëllai i tij ndërruan jetë nga Covid brenda një jave.
BBC raporton se Francis Goncalves, i cili humbi familjen e tij nga Covid po u bën thirrje njerëzve të vaksinohen.
Të tre anëtarët e familjes refuzuan të marrin vaksinën dhe për këtë Goncalves fajësoi dezinformatat nga fushatat kundër vaksinimit.
“Ata nuk kishin shfrytëzuar rastin për t’u vaksinuar sepse kishin frikë.”, tha ai.
Vëllai i tij, Francis Goncalves, vdiq më 17 korrik, më pas ndërroi jetë babai i tij dhe tre ditë më vonë nëna.
“Nëna dhe babai im kishin probleme shëndetësore. Ata duhet të kishin bërë vaksinën. Por patën frikë”, tha Goncalves.
“Unë e di se shumë njerëz po zgjedhin të mos e marrin vaksinën. Por, ata nuk e shikojnë atë nga ndonjë perspektivë tjetër – pse dikush do ta shpërndajë këtë nëse do t’ju dëmtojë?
“Unë i kuptoj ata, pyesin ‘a po bëjmë gjënë e duhur?’ Por nëse nuk vaksinohemi do të dëmtojmë familjet tona dhe propaganda duhet të ndalet “.
Goncalves tha se mesazhet e mbështetjes nga miqtë dhe familja e kishin ndihmuar atë të përballonte këtë kohë të vështirë./Opinion.al
