Pas refuzimit të ftesës së parë, Këshilli Bashkiak i Vlorës ka kërkuar ditën e sotme një tjetër mbledhje ballafaqimi me kryebashkiakun Dritan Leli, më 22 qershor të këtij viti.
Mbledhja e parë ishte parashikuar të zhvillohej ditën e djeshme, por kryebashkiaku Leli nuk u paraqit, me argumentin se nuk mund të mblidhen njerëz në sallë, duke shkelur masat kundër koronavirusit.
Kujtojmë se po atë ditë dyert e teatrit ‘Petro Marko” , ku do të zhvillohej mbledhja ishin të mbyllura, teksa vetë Leli kërkoi që mbledhja të zhvillohej online, në Zoom.
Nga ana tjetër këshilltarët kërkojnë që edhe më 22 qershor mbledhja të zhvillohet po në sallën e teatrit “Petro Marko”, në orën 10:00.
Këshilltarët kërkojnë:
Të bëhet transparencë mbi vendimet e marra dhe urdhëruesit e pengimit të Këshillit Bashkiak për kryerjen e detyrës së tij në mbledhjen e parashikuar për t’u zhvilluar më datë 15 qershor 2021.
2. Raportim i Kryetarit të Bashkisë në lidhje me shqetësimet e komunitetit vlonjat për gjendjen e shërbimeve vendore, situatën e shërbimeve bazike të pastrimit, mirëmbajtjes, ndriçimit etj, si dhe trajtimin e ankesave të qytetarëve./Opinion.al
