Gjykata e Lartë ka refuzuar kërkesën për liri të Florec Çapjas, i ekstraduar në maj nga Dubai. Një Kolegj Penal vendosi të mos pranojë rekursin e bërë prej tij kundër masës “arrest në burg”.
Çapja dyshohet nga SPAK për sigurim kushtesh për te kryer vrasjen e Sokol Sanxhaktarit në një nga fraksionet e dosjes “Plumbi i artë”.
Ai është dënuar me burgim të përjetshëm si një nga porositësit e vrasjes së Gentian dhe Nezir Beqirit në vitin 2012 në Elbasan.
Gjithashtu Çapja akuzohet për “sigurimin e kushteve për vrasje” në dëm të Sokol Sanxhaktarit, dhëndrit të ish-kryebashkiakut të Elbasanit, Qazim Sejdini, në dosjen “Plumbi i Artë”.
Përmes avokatit, Çapja ka pretenduar se nuk ka përdorur Sky ECC dhe se akuza ndaj tij është ngritur vetëm mbi bazën e një deklarimi të Nuredin Dumanit dhe Henrik Hoxhajt.
