Kryeministri Edi Rama ka reaguar pas refuzimit të opozitës jashtëparlamentare për të diskutuar në Këshillin Politikë për ndryshimet kushtetuese.
Përmes një postimi në rrjetet sociale, Rama e ka cilësuar refuzimin e opozitës një “sëmundje tanimë e vjetër” .
Rama shprehet më tej se edhe pa marrë dakordësinë e opozitës jashtëparlamentare më 30 korrik listat do të hapen, pasi sipas tij, Parlamenti vendos edhe për opozitën që nuk ka mandate deputeti.
“Refuzimi për të diskutuar mbi risitë kushtetuese është në fakt refuzim për të pranuar realitetin dhe kjo është një sëmundje tanimë e vjetër e opojashtëparlametares!Keqardhje. Por me ata pa ata,Parlamenti vendos edhe për ta, si sot si në 30 korrik. Reflektoni miq, listat do hapen!”-shkruan Rama./ Opinion.al
