Ajo që po ndodh së fundmi me grupimin Kuq e Zi, të cilët kanë deklaruar se nuk do të shkojnë të shikojnë në stadium ndeshjen Kosovë-Shqipëri, duke se i ngjan një gafe të pamenduar mirë nga ana e këtij grupimi. Gafë e cila mund të shfrytëzohet mjaft mirë nga Serbia në kundërshtimin që ajo i bën anëtarësimit të Kosovës në organizmat madhorë të futbollit. Kosova është shtet i njohur nga 108 vende nga 193 të aderuara në Kombet e Bashkuara. Është po kështu e njohur nga 23 vende të Bashkimit Evropian nga 28 që ka gjithsej kjo bashkësi. Dhe refuzimi me arsyetimin se duan vetëm një kombëtare, do të thotë që tifozët Kuq e Zi nuk e njohin Kosovën si shtet të pavarur. Pavarësi të cilën Kosova e ka fituar më shkurt 2008 dhe që po bën çmos të njihet edhe nga vende të tjera. A është kjo një gafë e grupimit “Tifozët Kuq e Zi”? Gjithsecili është i lirë të japë mendimin e tij.
