Ambasadori i Bashkimit Europian, Luigi Soreca, reagoi për rinisjen e punës së tryezës për Reformën Zgjedhore.
Soreca shkruan se Këshilli Politik duhet të rifillojë punën ndër-partiake në Reformën Zgjedhore, pasi është thelbësore që reforma të mbështetet nga të gjithë aktorët politikë.
“Është thelbësore që Këshilli Politik të rinisë punën për Reformën Zgjedhore edhe në këto kohë të vështira të shkaktuara nga pandemia e Covid-19. E rëndësishme që reforma të mbështetet nga të gjithë aktorët politikë, në interesin më të lartë të Shqipërisë për të përmbushur kushtet e vendosura nga Këshilli i Europës”, shkuan Soreca në Twitter.
Sakaq sot pas përfundimit të mbledhjes, bashkëkryetari i Komisionit për Reformën Zgjedhore, Damian Gjiknuri, deklaroi pas mbledhjes online se do i kërkojë zyrtarisht opozitës që Këshilli Politik të rifillojë javës tjetër, teksa shtoi se nëse nuk duan të vijnë është vendim i tyre.
Gjiknuri la të nënkuptohet se me ose pa pjesëmarrjen e opozitës Reforma Zgjedhore do të përmbyllet brenda 30 qershorit pasi mazhoranca do e miratojë bashkë me votat e opozitës parlamentare./Opinion.al
