Zyra e OSBE-së në vendin tonë ka mirëpritur vendimin për zgjatjen e punimeve të të Komisionit të Posaçëm parlamentar për Reformën Zgjedhore.
OSBE thekson se përmirësimi i legjislacionit të behet sipas rekomandimeve të OSBE/ODIHR-it.
Ndërkohë, zyra e OSBE-së në Shqipëri ka shprehur gatishmërinë e saj për të mbështetur me ndihmë teknike rishikimin e sistemit zgjedhor në Shqipëri.
Reagimi
Prezenca e OSBE-së në Shqipëri mirëpret zgjatjen e mandatit të Komisionit të Posaçëm parlamentar për Reformën Zgjedhore. Zgjerimi i objektit të punës të Komisionit, për të filluar diskutimet lidhur me ndryshime thelbësore të sistemit zgjedhor, është një shenjë gatishmërie për të menduar më thellë për përmbushjen e nevojave dhe synimeve të shqiptarëve për demokracinë e tyre. Ne nxitim Komisionin të përmirësojë legjislacionin sipas rekomandimeve të OSBE/ODIHR-it, të bëra pas zgjedhjeve të viteve 2013, 2015 dhe 2017, si dhe e sigurojmë Komisionin për gatishmërinë tonë për të mbështetur me ndihmë teknike rishikimin e sistemit zgjedhor në Shqipëri./ Opinion.al E.XH.
