Deputeti i Lëvizjes Socialiste për Integrim Ralf Gjoni ka deklaruar se PS ka tërhequr draftin për reformën zgjedhore.
“Doja të isha transparent sa i përket kërkesës dhe kushtit që ne i kemi vënë mazhorancës për ndryshimin e objektit të komisionit të reformës zgjedhore. Jam mirënjohës që PS e tërhiqi draftin e fundit të saj të javës së kaluar dhe ne sot kemi qenë në bisedime me grupin demokrat dhe socialist për të hartuar një draft të pranueshëm sa i përket objektit të komisionit të posaçëm të reformës zgjedhore”, ka thënë Ralf Gjoni.
Një javë më parë gjatë seancës plenare, ai akuzoi mazhorancën se kishte futur në mënyrë “klandestine” për diskutim një draft për reformën zgjedhore, pa konsultimin me deputetët e opozitës. Ai i kërkoi Taulant Ballës që të tërhiqej drafti, gjë që siç duket është realizuar sot gjatë punimeve të komisioneve parlamentare./Opinion.al
