Opozita jashtë parlamentit ka caktuar ekipin e saj të ekspertëve të cilët do të jenë pjesë e tryezës për reformën zgjedhore. Mësohet se në tryezën e reformës zgjedhore do të jenë të pranishëm 4 ekspertë nga mazhoranca dhe 4 nga opozita.
Sipas informacioneve, se ekspertët e opozitës do të jenë: Ivi Kaso-PD; Arjan Madhi-PR; Shkëlqim Sulo- PDIU; Muharrem Caka-LSI.
Më herët, në mbledhjen fundit të Këshillit Politik u ra dakord që me caktimin e ekspertëve të niste menjëherë puna për ndryshimet në kodin zgjedhor. Në tryezën e mbajtur vetëm pak ditë më parë, palët politike ranë dakord që Reforma Zgjedhore do të jetë përfunduar më 15 mars.
Ndërkohë, opozita është shprehur disa herë që është e gatshme që të përshpejtoj procesin e Reformës Zgjedhore dhe se nuk është e nevojshme që të pritet 15 marsi./ Opinion.al
