Komisioni i Ligjeve po shqyrton sot draftin e Partisë Socialiste për të reflektuar ndryshimet kushtetuese të 30 korrikut në Kodin Zgjedhor. Propozimi i PS parashikon që deputetët të zgjidhen sipas listave të hapura, por kryetari të jetë ai që përcakton listën dhe renditjen. Më pas, votat preferenciale të përbëjnë renditjen përfundimtare të listës.
Deputeti Myslim Murrizi në fjalën e tij e quajti sondazh propozimin e PS.
“Varianti i propozuar nga PS është një farë sondazhi. Sondazhet keni mundësi ti kryeni deri në 25 prill. E kam parë me vëmendje variantin tuja. Kjo që keni bërë ju quhet sondazh”. tha Murrizi.
“Për të hapur listat 100% do i vihesha në dispozicion çdo propozimi”, shtoi Murrizi.
Në emër të opozitës parlamentare ai propozoi që numërimi i votave të bëhet nga administrata politike ndërsa formulën e propozuar nga PS për pragun kombëtar 3% ai e cilësoi si të pamundur.
“Ne kërkojmë që numërimi të jetë nga administrata politike. Nuk besoj se është e tepërt që Shqipëria të gjejë 1800 numërues. 90 vende numërimi nga 5 tavolina, herë 4 veta bëjnë 1800 veta dhe të vijnë nga arsimi, noterë e gjyqtarë. Si mundet që unë apo kolegë të PS apo PD të pranojnë që rezultati është ai që është hedhur në kuti kur vota do të numërohet nga individë politikë të caktuar nga drejtuesit politik qoftë të qarqeve qoftë nga kryetari i partisë, kur kemi garë mes vetes.
Kemi propozuar edhe pragun. Nuk na tremb pragu. Të vijnë në parlament ata që e kalojnë pragun. Pra prag kombëtar me sistem rajonal nuk mund të ketë. Idealja do të ishte që të ishte pragu natyral për një mandat në qark”, tha Murrizi./ Opinion.al
