Ambasada e SHBA në Tiranë, ka reaguar pas marrëveshjes së arritur mes opozitës dhe mazhorancës për Reformën Zgjedhore.
Përmes një reagimi në rrjetet sociale, ambasada e SHBA shkruan se ulja në tryezë e palëve politike është një hap i rëndësishëm për të trajtuar plotësisht rekomandimet e ODIHR-it.
Në këtë reagim thuhet se reforma do të ndikojë për zgjedhje të lira dhe të ndershme.
Reagimi
Ne përshëndesim palët që ranë dakord të punojnë së bashku për reformën zgjedhore, një hap i rëndësishëm për të trajtuar plotësisht rekomandimet e ODIHR-it. Reforma do të mbështesë procese zgjedhore të efektshme dhe të besueshme dhe do të forcojë demokracinë shqiptare. Ne shpresojmë që palët të vijojnë të ecin përpara me këtë frymë aktuale bashkëpunimi, për t’u siguruar që zgjedhet në Shqipëri të jenë të lira nga mashtrimi, ndërhyrja dhe korrupsioni./ Opinion.al
