Komisioni i Posaçëm për Reformën Zgjedhore do të vijojë punën deri më 15 shkurt.
Në seancën e sotme parlamentare Kuvendi vendosi që mandati i Komisionit të shtyhet edhe për tre muaj duke e lënë kështu të hapur mundësinë e dialogut politik mes palëve me bazë Reformën Zgjedhore.
Opozita ka ngritur një grup paralel me Komisionin e Posaçëm në Parlament për të hartuar një dokument ku propozohen ndryshimet e kërkuara nga rekomandimet e OSBE. Mazhoranca nga ana tjetër ka deklaruar se kjo reformë mund të bëhet vetëm brenda Komisionit dhe ata e kanë kufizuar deri tani qëllimin e tyre në implementimin e rekomandimeve të OSBE. Megjithatë kjo ka hasur në kundërshtimin e opozitës parlamentare e cila thotë se nuk do ta votojë këtë reformë nëse ajo nuk do të përfshijë ndryshim të sistemit elektoral. /Opinion.al
