Deputeti i opozitës, Korab Lita, gjatë fjalës së tij në Kuvend, është shprehur se ai e pranoi këtë mandat për të përfaqësuar qytetarët shqiptarë, ndërsa shtoi se ka pasur përplasje dhe brenda partisë ku bënte pjesë.
Ndërkohë, teksa ka folur në lidhje me Reformën Zgjedhore, Lita sulmoi ashpër deputeten e opozitës, Rudina Hajdari, duke e akuzuar atë se është bërë pjesë e pazareve politike.
“Mandati i këtij parlamenti po përfundon. Zgjedhjet e parakohshme mund të jene në horizont. Para dy javësh u ngrit këshilli politik me përfaqësues nga të gjitha partitë. Ne deputetët e opozitës parlamentare vendosemi në një kontekst të ri. Ne pranuam mandatet pasi kolegët tanë dogjën mandatet për ti dhënë shqiptarëve përfaqësim. Kjo s’do të thotë se ky përfaqësim duhet të çonte te pazaret. Ne si opozita i morëm mandatet kur rregullat e lojës ishin prishur. Unë në pjesën e mbetur të jetës së këtij parlamenti do i denoncoj. Rikthimi i garës ndërpartiake ishte sfida jonë më e madhe. Përfaqësuesja jonë në këshillin politik po bëhet pjesë e Këshillit Politik, është shenja e parë se si gara prishet dhe po bëhet pazar mes partisë. Misioni ynë i vetëm ishte hapja e garës për të mos pasur lista të mbyllura. Unë druaj se ky mision është bërë i paqenë, pasi misioni i opozitës duhet të jetë denoncimi i opozitës së dorëhequr. Ky është misioni im personal. Gara politike do të kthehet një ditë në Shqipëri. Edhe sikur i vetëm do e përmbush këtë mision“, tha Lita.
Qeveria dhe opozita si parlamentare dhe jo parlamentare kanë rëndë dakord të ulen në një tryezë për reformen zgjedhore, e cila sipas tyre do mbahet në 15 Mars./ Opinion.al
