Kërkesa për listat e hapur në zgjedhje ka sjellë ngërçin për votimin e reformës zgjedhore në Kuvend. Lidhur më këtë çështje ka reaguar Deputeti i Partisë Socialiste, Adnor Shameti.
Socialisti është shprehur në mbështetje të listave të hapura , duke theksuar se ndryshimi i sistemit nuk duhet të jetë më tabu për mazhorancën. Ndërkohë, Shameti thotë po ashtu se nuk duhet të ketë më koalicione parazgjedhore.
Reagimi
E kotë ta mohojmë që hapja e listave gëzon suport qytetar! Pavaresisht se edhe une kam bindjen që nuk janë ndonjë recete çudibërese, listat e hapura s’duhet të jenë tabu për maxhorancën. Ata jashtë parlamentit e morën çfarë deshën. Madje shumë më shumë se sa u takonte edhe po të ishin sjellë demokratikisht këto 3 vjet. Këtu s’eshtë puna çfarë do marrin keta brenda parlamentit, po çfare do marrë populli nga ky proçes! Ne nuk duhet të shqetësohemi sa do merziten ata që janë jashtë apo sa do tronditen ata që nuk hyjnë dot me brenda po u shkeputen nga kërthiza e partive të mëdha. Besoj se është shumë e shëndetshme që të ketë hapje listash dhe natyrsh si rrjedhojë të mos ketë më koalicione parazgjedhore. Boll besoj u benë 30 vjet me kryetarë partish pa parti që futen nëpër barqet e partive meme, me koalicione të mbyllura per te mbyllur pastaj ca ministri dhe drejtori! Sikur s’ka më lezet do thoshte gjyshi im./ Opinion.al
