PD zhvilloi ditën e sotme një mbledhje tw grupit të punës për reformën zgjedhore, pas përfundimit të saj, Oerd Bylykbashi ka theksuar se mazhoranca duhet ë kuptoj që kjo reformë mund të jetë vetëm konsesuale dhe gjithëpërfshirëse.
Bylykbashi e ka konsideruar një farsë mbledhjen e Komisionit të Reformës Zgjedhore në Kuvend, ndërsa theksoi se reforma duhet të jetë e plotë në mënyrë që t’u kthehet besimi i qytetarët .
Sipas tij, opozita është angazhuar 100% për reformën zgjedhore, ndersa kryeministri Edi Rama nuk garanton zgjedhje, por vjedh vota.
“Ajo që duhet të kuptojë maxhoranca është se reforma mund të jetë vetëm konsensuale gjithëpërfshirëse për të qene e besueshme dhe për të patur zgjedhje të besueshme. Grupi i punës u mblodh për të vijuar diskutimet mbi qëndrimin për reformën zgjedhore. Qëndrimi ynë është i qartë reforma duhet të jetë e plotë. Kodi zgjedhor është i mjaftueshëm për zgjedhje demokratike, por Edi Rama nuk mund të garantojë zgjedhje demokratike. Propozimi është një qeveri kujdestare tranzitore që garanton ndëshkimin e atyre që blejnë votat. Opozita është e angazhuar 100% për reformën zgjedhore, për të garatuar që zgjedhjet janë për zgjedhësit jo për partitë. Rama nuk garanton dhe e ka provuar që jo vetëm nuk garanton dot zgjedhje por edhe vjedh vota,” -tha Bylykbashi./ Opinion.al
