Kryetari i Partisë Demokratike, Lulzim Basha ka publikuar platformën e opozitës së bashkuar për “Reformën Zgjedhore”.
“Shqipëria ka nevojë për një Reformë të vërtetë Zgjedhore të hartuar me transparencë dhe të konsultuar me qytetarët dhe të gjitha grupet e interesit.
Reforma Zgjedhore kërkon vullnet të pastër politik për tu realizuar dhe zbatuar.
Në respekt të transparencës, ky është propozimi i Opozitës së Bashkuar për Reformën Zgjedhore.
Dëshiroj që konsultimi të nisë me JU! Ndaj ju ftoj të ndani me mua mendimet dhe sugjerimet tuaja” shkruan Basha në Facebook.
Në dokumentin prej 19 faqesh shkruhet ndër të tjera se komisioni parlamentar për reformën është jo legjitim, theksohen rekomandimet e OSBE-së si dhe ndërhyrje ligjore për të bërë më të mundur referendumet si një mjet vendimarrës. /Opinion.al
