Ditën e sotme opozita e bashkuar zhvilloi mbledhjen me ekspertë dhe përfaqësues të të gjitha forcave opozitare jashtëparlamentare në kuadër të reformës zgjedhore.
Pas përfundimit të mbledhjes, ka folur për mediat sekretari i përgjithshëm i PD, Gazment Bardhi. Ai është shprehur se kjo mbledhje tregon angazhimin e opozitës për reformën zgjedhore, duke përsëritur disa nga kërkesat e PD.
Bardhi deklaroi gjithashtu se; “Kemi propozuar një mekanizëm për të bashkëpunuar me palën tjetër. Maxhoranca duhet të shtrinte dorën dhe të kërkonte bashkëpunimin e opozitës”
Pjesë nga fjala e Bardhit
Dua të theksoj që mbledhja e grupeve të ekspertëve të opozitës është një tregues i qartë i angazhimit të opozitës për reformën zgjedhore. Kemi propozuar një mekanizëm për të bashkëpunuar me palën tjetër. Maxhoranca duhet të shtrinte dorën dhe të kërkonte bashkëpunimin e opozitës. Bundestagu kërkon një reformë zgjedhore me pjesëmarrjen e të gjithëve./Opinion.al
