Pas mbledhjes së sotme të Kryesisë së PS, në një prononcim për mediat kryeministri Rama foli edhe për reformën në drejtësi.
Ai tha se reforma në drejtësi është për tu kryer jo për tu negociuar. Sipas Ramës reforma në drejtësi nuk është kërkesë partiake por historike dhe kombëtare dhe nuk ka pazare me PD për zgjatjen e vettingut.
‘Zgjatja e mandateve të organeve të vettingut është një domosdoshmëri, e cila vjen si rezultat i një procesi që e ka treguar sesa i vyer që është për pastrimin e llumit nga sistemi i drejtësisë dhe për të nxjerrë në pah njerëzit me integritet dhe ky proces nuk mund të ndërpritet. Reforma në Drejtësi është një reformë në partneritet me partnerët tanë ndërkombëtar dhe besoj se vija është shumë e ndarë. Reforma në Drejtësi nuk është diçka për t’u negociuar është diçka për t’u kryer. S’ka kthim mbrapa as qëndrim në vend numëro. Kush i bie ndesh interesave të Reformës në Drejtësi i bie ndesh vendit dhe aleatëve ndërkombëtar.’- tha Rama./Opinion.al
