Ka një lëvizje të papritur në kampin blu. PD nuk do të pranojë ambasadorët në mbledhjen e grupit. Ishte planifikuar që ditën e nesërme ambasadorët, Donald Lu i Shteteve të Bashkuara të Amerikës dhe Romana Vlahutin e Bashkimit Europian të merrnin pjesë në mbledhjet e 3 grupeve parlamentare.
Sipas burimeve takimi i ambasadorëve me grupin parlamentar të PD ishte planifikuar për në orën 15:00 por papritmas PD e ka anuluar këtë mbledhje. Presim një deklaratë zyrtare nga PD për të mësuar më shumë rreth këtij vendimi.
Sakaq, mbledhja me grupet e PS dhe LSI (veçmas) pritet të zhvillohet nesër në mesditë në Kryesinë e Kuvendit. Kërkesa e ambasadorëve për të shkuar në mbledhjen e partive bëhet për shkak të vonesave për miratimin e reformës në drejtësi.
Lu tha dje prerë se asnjë parti s’duhet ti shmanget reformës në drejtësi.
