TIRANË- I pyetur nëse do të votojë reformën në drejtësi, Lulzim basha u shpreh pas takimit me John Kerry-n: “Nuk mund të parashikoj, por punojmë së bashku për një reforme që duhet të zgjasë më shume se jeta e kësaj mazhorance. PD dhe unë jemi të përkushtuar për zbatimin e kornizës dhe kur Rama dhe Meta të jenë gati ne jemi gati për kontributin tonë”.
Takimi i kryediplomatit amerikan me kryeopozitarin shqiptar është zhvilluar në ambientet e Hotel “Rogner”, teksa Bashën e kanë shoqëruar edhe disa prej deputetëve demokratë, duke nisur me kreun e grupit parlamentar, Edi Paloka, me nënkryetarin e partisë, Edmond Spaho, si dhe Jorida Tabaku e Aldo Bumçi.
Në këtë takim mungonte kryetari historik i PD-së, Sali Berisha, ndërsa besohet që edhe në këtë takim, Sekretari Kerry të ketë theksuar nevojën e miratimit të reformave kryesore në vend, me në krye atë të drejtësisë, si një gur themeli drejt avancimit të Shqipërisë në BE.
