Në draft-opinionin përfundimtar të Komisonit të Venecias për reformën në drejtësi, reflektohen shqetësimit e ngritura nga demokratët në lidhje me kapjen e sistemit të drejtësisë. Kështu deklaroi sot në një dalje për mediat nënkryetari i grupit parlamentar të PD-së, Eduard Halimi.
“Aty ka çështje që duhet t’i nënshtrohen dialogut politik dhe është detyrë e qeverisë dhe maxhorancës të krijojë kushte për një dialog politik i cili t’i japë zgjidhje të gjitha çështjeve për të cilat komisioni i Venecias flet qartë”, tha Halimi.
Nga ana tjetër Oerd Bylykbashi i pyetur nga gazetarët iu përgji me ironi një batute të Kryeministrit Rama të para disa javëve: “Meqë kishte shqetësimin e ndaljes së trenit zoti Rama, për fat të keq ky raport përfundimtar ia nxorri trenin e reformës së drejtësisë, siç e donte kryeministri, ia nxorri nga shinat”.
