Gjyqtari i njohur, Gjin Gjoni, i cili është President i Rrjetit të Këshillave të Drejtësisë së Ballkanit është duke zhvilluar një vizitë në vendet e Europës për të njohur drejtuesit e lartë të drejtësisme me reformën në drejtësi që pritet të implementohet në Shqipëri.
Gjoni ka pasur takime me Lord John Thomas, kryetari i Gjykatës së Lartë të Anglisë dhe Wellsit si dhe me Kryetarin e Gjykatës së Kasacionit të Francës, Bertrand Louvel. Po kështu ai ka takuar edhe prokurorin e Përgjithshëm të Francës, Jean Clode Marin.
Në këto takime, ai ka qenë i shoqëruar nga Gerd Hoxha, anëtar i KLD dhe kryetar i unionit të gjyqtarëve.
Opinion.al ka siguruar disa foto të këtyre takimeve si dhe ka mësuar se në qendër të bisedimeve ishte reforma në drejtësi si dhe situata e përgjithshme e gjyqësorit në vend.
Kujtojmë se Reforma në drejtësi është një nga temat më të nxehta në vend dhe sidomos ligjet për Vetingun, të cilat përfunduan sërish në Gjykatë Kushtetuese, pas padisë së ngritur nga unioni dhe shoqata e gjyqtarëve.
/Opinion.al
